Korda “mamãe Africa”

África

Ês ta fla ma bô é um continente di miséria.
Ma bu tem oro, diamante,petróleo, atum, tubaron
Marfim, Safari , riqueza na mon di poucos..
Desde inicio bu conxi açoite
Ku força di braços bu dexa ser explorado
Di bu tetas lete bai só pa um lado
Bu obrigado a ser escrava e mucama.

 

Bu stória fica enterrado na cancaran
Bu dor silenciado na tempo.
Genocídio, atrocidades, mortes, seca
Um cemitério di lágrimas.

 

Africanos
Ka xinti vergonha di ser preto.
Tem tcheu “pretos di valor”:
Martin Luther King, Agostinho Neto, Nelson Mandela, Amilcar Cabral
Sima tem tcheu “pretas di valor”: Graça Machel, Condelezza Rice,
Nina Simone, Aretha Franklin.

 

África

 

Se bus dirigentes poi ruspeto ku transparência
Bu ta avança e bu ta mostra mundo ma bô é ka pinton.
Se bus dirigentes larga corrupçon
Bu ta origina um nova geraçon .
Lembra na versos di bu fidjo Marley
Que ta fla: “emacipate yourselves from mental slavery”.

(de: Maria José Macedo)